សេអ៊ូល៖ ប្រជាជនកូរ៉េខាងត្បូងបានជ្រើសរើសបេក្ខជនបក្សប្រឆាំង លោក Yoon Suk-Yeol ជាប្រធានាធិបតីបន្ទាប់របស់ប្រទេសនេះបន្ទាប់ពីមានប្រកូតប្រជែងការបោះឆ្នោតដ៏តានតឹង។

លោក Lee Jae-myung ដែលជាគូប្រជែងមកពីគណបក្សប្រជាធិបតេយ្យ បានទទួលស្គាល់ការបរាជ័យនៅព្រឹកថ្ងៃព្រហស្បតិ៍ ដោយបានសុំទោសដល់អ្នកគាំទ្រចំពោះបរាជ័យនេះ។

លោក Yoon Suk-Yeol ដែលជាអ្នកអភិរក្សនិយមមកពីបក្សអំណាចប្រជាជនបានហៅជ័យជម្នះរបស់គាត់គឺជា «ជ័យជំនះដ៏អស្ចារ្យមួយ»។

លោក Yoon បានទទួលសំឡេងគាំទ្រចំនួន ៤៨,៦ភាគរយ បើធៀបនឹងលោក Lee Jae-myung ដែលទទួលបានសំឡេងគាំទ្រចំនួន ៤៧,៦ភាគរយ។

អាមេរិកបានផ្ញើការអបអរសាទររបស់ខ្លួនភ្លាមៗទៅកាន់លោក Yoon ដោយនិយាយថា ប្រធានាធិបតីសហរដ្ឋអាមេរិក Joe Biden កំពុងទន្ទឹងរង់ចាំការពង្រីកទំនាក់ទំនងប្រទេសទាំងពីរបន្ថែមទៀត។

ប្រទេសកូរ៉េខាងត្បូងបានឈានទៅរកយុគសម័យថ្មី ខណៈដែលអ្នកអភិរក្សនិយមបានឈ្នះការប្រជែងធ្វើជាប្រធានាធិបតី ប៉ុន្តែគ្រាន់តែជ័យជំនះរបស់ Yoon Suk-yeol លើគូប្រជែងសេរីរបស់គាត់គឺ Lee Jae-myung គឺមានភាពប្រកៀកគ្នាខ្លាំង ដោយគាត់បានឈ្នះតំណែងប្រធានាធិបតីតិចតែជាងមួយភាគរយប៉ុណ្ណោះ ។

លោក Yoon ដែលជាអតីតរដ្ឋអាជ្ញានៃតុលាការកំពូល ទើបតែបានចូលប្រឡូកក្នុងឆាកនយោបាយកាលពីឆ្នាំមុន ហើយបានឡើងលេចធ្លោសម្រាប់ការកាត់ទោសដោយជោគជ័យលើអតីតប្រធានាធិបតី Park Geun-hye ពីបទស៊ីសំណូក និងបទចោទប្រកាន់ពុករលួយ។

លោកបានសន្យាថានឹងលុបចោលក្រសួងសមភាពយេនឌ័រ ហើយបានស្តីបន្ទោសការកើនឡើងនៃភាពជាស្ត្រីចំពោះអត្រាកំណើតទាបនៅក្នុងប្រទេសដែលមានកំណត់ត្រាដ៏អាក្រក់បំផុតមួយស្តីពីសិទ្ធិស្ត្រីក្នុងប្រទេសអភិវឌ្ឍន៍។

លោកមានចរិតញញើតនឹងនយោបាយការបរទេសជាងមេដឹកនាំសេរីនិយមបច្ចុប្បន្នលោក Moon Jae-in។

គាត់បាននិយាយថា គាត់នឹងមានបំណងអភិវឌ្ឍបច្ចេកវិទ្យា ដើម្បីអនុវត្តការវាយប្រហារជាមុនលើកូរ៉េខាងជើង ប្រសិនបើទីក្រុងព្យុងយ៉ាងសម្លឹងមើលការវាយលុកទីក្រុងសេអ៊ូល ហើយគាត់គាំទ្រការដាក់ទណ្ឌកម្មលើរបបរបស់លោក គីម ជុងអ៊ុន ដែលនឹងនាំឱ្យគាត់កាន់តែស្របតាមគោលនយោបាយរបស់មេដឹកនាំកូរ៉េខាងត្បូង និងសម្ព័ន្ធមិត្តសហរដ្ឋអាមេរិក។

គាត់ចង់ឱ្យមានភាពកាន់តែតឹងរ៉ឹងលើប្រទេសចិន ហើយបានស្នើឱ្យកូរ៉េខាងត្បូងគួរតែសហការឱ្យបានពេញលេញជាមួយសម្ព័ន្ធភាពសន្តិសុខ Quad រវាងសហរដ្ឋអាមេរិក អូស្ត្រាលី ឥណ្ឌា និងជប៉ុន ដែលជាក្រុមត្រូវបានបង្កើតឡើងដើម្បីប្រឆាំងនឹងឥទ្ធិពលដែលកំពុងកើនឡើងរបស់ទីក្រុងប៉េកាំងនៅក្នុងតំបន់៕